Бүкіл отбасыға арналған таңғы жаттығу

Бүкіл отбасыға арналған таңғы жаттығу

Дәлелденген дерек: таңғы сәтін жаттығудан бастайтын адамдар күні бойы өзін барынша қайратты және сергек сезінеді, сирек ауырады және көбірек күлімдейді! Ал бірлескен жаттығуға уақыт табатын отбасылардың беріктігі мен татулығы нығая түседі. Бірақ бұны қалай ұйымдастыруға болады және жаттығуларды қалайша дұрыс таңдауға болады?


Жаңа дәстүрдің пайда болуы
Таңертең, тіпті, 15 минутқа болса да, бүкіл отбасыны бірге жинау оңайға түсе қоймайды. Кейбіреуі кешігеді, кейбіреуі ұйықтап қалады, ал кейбіреуі бұны қаламайды. Ұйымдастырушы рөлін өз қолыңызға алып, жаңа отбасылық дәстүрді қалыптастырыңыз. Ең оңайынан бастаңыз – жаттығу бар болғаны 5 минутқа созылсын. Бәрінің бойы үйренгеннен кейін бірте-бірте уақытты көбейтіңіз. 21 күн шыдай тұрыңыз, сонда отбасылық жаттығу әдетке айналады!

Өткізілетін орны, уақыты және дұрыс ыңғайлану
Жұмыс күндері барлығы асығып жүрген кезде жаттығуды үйде, ең үлкен бөлмеде музыканың сүйемелдеуімен жасауға болады. Ал демалыс күндері, әсіресе ауа райы жақсы болып тұрған кезде, жақын жерде орналасқан саябаққа барған жөн. Бәріне бірдей спорттық киім сатып алуға болады немесе, тіпті, өз фотосуреттеріңіз салынған, әйгілі спортшылардың қанатты сөздері жазылған бірегей футболкаларға тапсырыс берсеңіз болады.

Уәждеме
Өзіңізді уәждеу үшін, жаттығуға жарыс элементін қосыңыз. Мысалы, жүлделері бар отбасылық ойын жарыстарын ұйымдастырыңыз және келу журналын жүргізіңіз. Отбасылық жаттығуға бармай ұйықтап қалдың ба? Бәрінің тамақ ішкен ыдыс-аяғын жуасың.

Жаттығулар кешені
Таңғы жаттығу діңкені құртатындай тым қарқынды болмауы тиіс. Біздің міндетіміз – бүкіл күшті жұмсау емес, мақсатымыз – ұйқыдан тұрғаннан кейін сергіп алу. Сондықтан бүкіл бұлшықеттер тобына арналған жеңіл жаттығулар кешенін ойластырған жөн:

Registration

Бізге қосылыңыз да эксклюзивті ұсыныстар алыңыз!

Қатысушымыз болыңыз
  • Дене құрысын жазу. Алдымен денені шамалы қыздырып алу керек. Егер Сіз далада болсаңыз, байсалды екпінмен бірнеше минут жүгіріңіз. Егер үйде болсаңыз, бір орында жүріңіз немесе аяқтарыңыздың арасын ашып-жауып секіріңіз.

  • Енді дене қызғаннан кейін негізгі жаттығуларға көшуге болады:

  • Түзу тұрыңыз, аяғыңызды иық енімен қойыңыз, ал қолыңызды беліңізде ұстаңыз. Басыңызды алдымен оң жаққа, одан кейін сол жаққа еңкейтіңіз. Осыдан соң басыңызды алға түсіріп, артқа шалқайтыңыз. Иығыңыздың қозғалмай тұруын қадағалаңыз. Әр бағытқа қарай 10-15 реттен қайталаңыз.

  • Дәл сол қалыпта тұрып иығыңызды мүмкіндігінше жоғары көтеріңіз, одан кейін бастапқы қалыпқа келтіріңіз. 10-15 рет қайталаңыз.

  • Бастапқы қалыпта тұрып, қолдарыңызды алға қарай созыңыз. Қолыңыздың ұшымен, одан кейін шынтақпен, ал одан соң иық буындарымен 10-15 рет шеңбер сызып қозғалтыңыз.

  • Қолдарыңызды жоғарыға көтеріп, оңға және солға қарай 10-15 реттен иіліңіз.

  • Қолдарыңызды басыңыздың желке тұсына апарып байлап ұстаңыз да, шынтақтарыңызды екі жаққа жайып, сол аяқтағы тізені оң қолыңыздың шынтағына, ал оң аяқтағы тізені сол қолыңыздың шынтағына жеткізіп көріңіз. 10-15 рет қайталаңыз.

  • Отырып-тұруға көшіңіз. Арқаңыздың түзу болуын және салмақтың өкшеге түсуін қадағалаңыз. 10-15 рет қайталаңыз.

  • Түзу тұрыңыз, бір аяғыңызды көтеріп тізені бүгіңіз. Алдымен аяқтың ұшымен, одан кейін тіземен 10-15 рет шеңбер сызып қозғалтыңыз, ал одан кейін жамбас буынына көшіңіз. Осыдан соң дәл осы жаттығуды екінші аяқпен жасаңыз.

  • Енді кеудені жерден итеру қалды. Қыздар бұл жаттығуды тізесін тіреп тұрып жасаса болады.

  • Жаттығуларды секірумен аяқтаңыз – алдымен бір аяқпен, одан кейін екінші аяқпен, ал сосын екі аяқпен секіріңіз.


    Соңында бір-біріңізге күлімдей қарап, серік болғаны үшін рахмет айтып, қайырлы күн тілеуді ұмытпаңыз!

Жеке мәліметтеріңізді толтырыңыз

Жалғастыру үшін жұлдызшамен белгіленген мәліметтерді толтырыңыз, егер сіз кеңейтілген ұсыныс пен контентке ие болғыңыз келсе, қосымша алаңды толтыруды ұмытпаңыз.

multisampleone

multisampleone

multisampleone

Бұл өнім туралы ақпарат Қазіргі уақытта қол жетімді болып табылады

Үлгісі қазірдің өзінде тапсырыс