Дене мен шашқа арналған үй косметикасы

Дене мен шашқа арналған үй косметикасы

Үйде косметика әзірлейтін болсаңыз, көп ақшаңыз үнемделеді! Оның үстіне құрамында тек табиғи құрауыштар барына сенімді боласыз.

Кез келген дәріханадан сатып алуға болатын майларды қолдана отырып, қолдануға болатын бірнеше қарапайым рецепт. 

Денеге арналған скрабтар мен майлар
domesticbody

Теңіз тұзы бар скраб қабыршықтануға қарсы және антибактериялық әсерге ие. Блендерге 2 ас қасық теңіз тұзын, үккіштен өткізілген 3 шай қасық зімбірді, үккіштен өткізілген 1 лаймды, қиярдың 6 тілігін және 15 мл бадам майын салып араластырыңыз.

Көк шай қосылған май декольте жері сияқты дененің сезімтал жерлеріне өте жарамды. Блендерге көк шайдың буға буланған жапырақтың 2 ас қасығын, 1 ас қасық шикі қоңыр күрішті, 1 шай қасық балды және 15 мл бадам майын салып араластырыңыз.

Денеге арналған қоректендіргіш май
50 мл жожоба майын, 30 мл бадам майын, 15 мл өрік майын, 5 мл бидай дәнінің майын, иланг-иланг эфир майының 18 тамшысын, апельсин майының 10 тамшысын, лаванда эфир майының 6 тамшысын араластырыңыз. Душтан кейін лезде жағыңыз. 6 ай бойы бөлме температурасында сақтауға болады.

Денеге арналған термоактивті май
50 мл шабдалы майын, қазтамақ эфир майының 10 тамшысын, лаванда эфир майының 4 тамшысын, сандал эфир майының 4 тамшысын, лемонграсс эфир майының 2 тамшысын араластырыңыз. 6 ай бойы бөлме температурасында сақтауға болады.

Парфюмерия

domesticbody2

Өзіңізді нағыз парфюмер сезініп, жеке әтіріңізді жасағыңыз келе ме?

Гүлді хош иіс

  • алқызыл эфир майының 5 тамшысы
  • мандарин эфир майының 4 тамшысы
  • ақгүл эфир майының 2 тамшысы
  • бензоин эфир майының 2 тамшысы
  • сандал ағашының эфир майының 1 тамшысы
  • ваниль эфир майының 1 тамшысы

Балғын хош иіс

  • алқызыл эфир майының 4 тамшысы
  • мандарин эфир майының 3 тамшысы
  • сандал ағашының эфир майының 1 тамшысы
  • қазтамақ эфир майының 1 тамшысы
  • ақгүл эфир майының 2 тамшысы
  • иланг-иланг эфир майының 1 тамшысы
  •  ваниль эфир майының 1 тамшысы

Шығыс хош иісі

  • ақгүл эфир майының 3 тамшысы
  • пацули эфир майының 2 тамшысы
  • сандал ағашының эфир майының 1 тамшысы
  • алқызыл эфир майының 2 тамшысы
  • қазтамақ эфир майының 1 тамшысы
  • нероли эфир майының 1 тамшысы
  •  
Шашқа арналған маска ұшталған шаштарға қарсы жақсы көмектеседі.

domesticbody3

2 ас қасық зәйтүн майын, 1 жұмыртқаның сарысын және 1 шай қасық балды араластырыңыз. Микротолқынды пеш ішіне 10 секундқа қойыңыз. Құрғақ шашқа біркелкі етіп жағыңыз да, тараңыз. Шашты орамалмен орап, масканы 30 минутқа қалдырыңыз, кейін басты сусабынмен жуыңыз.

Сізге ұнайды деп ойлаймыз

Cookie Consent